06 мар 08:18
Янгиликлар

Болалар спорти, Гандбол

Гандбол. Республика финал босқичининг навбатдаги мусобақаси чемпионлари маълум бўлди

Наманган шаҳри мезбонлик қилган «Баркамол авлод» спорт мусобақаларининг республика финал босқичидан ўрин олган гандбол бўйича қизлар ўртасидаги мусобақа ўз якунига етди.

Икки кун давомида кескин курашлар остида кечган мусобақада тошкентлик ўрта-махсус таълим тизими ўқувчи-қизлари чемпионликни тантана қилишди. Улар самарқандлик тенгдошларига қарши беллашувда дурангга рози бўлишган бўлсада, қолган иккита баҳсни ғалаба билан якунлашди.

Мусобақанинг 2-ўрини кўҳна шаҳар вакилларига насиб этди. Самарқанд терма жамоаси қизлари Андижон вилояти терма жамоасини мағлуб этиб, навоийлик ва пойтахтлик тенгдошлари билан кечган баҳсларда муроса йўлини танлашди.

Андижон вилояти терма жамоаси қизлари ушбу мусобақада 1 бор ғалаба қозиниб, 2 марта имкониятни бой берган ҳолда 3-ўриндан жой олишди.

Навоий вилояти терма жамоаси қизларига эса ушбу финал босқичида ғалаба қозониш насиб этмади ва 4-ўрин билан ортга қайтадиган бўлди.