Гандболчиларимиз ЖЧ-2016нинг илк турида мағлуб бўлишди

Қизлар ўртасидаги мусобақанинг “А” гуруҳидан ўрин олган Ўзбекистон терма жамоаси бугун дастлабки учрашувини венгриялик рақибларига қарши ўтказишди. Муросасиз ўйинда европаликлар 41-19 (27:9,14:10) ҳисобида устун келишди.

Ҳамюртларимиз гуруҳдаги иккинчи ўйинини 5 июль куни Черногория гандболчиларига қарши ўтказишади. Ўзбекистон терма жамоасининг бўлажак рақиблари бугун Норвегия термасига 23-35 ҳисобида мағлуб бўлишди.

ҚОЛГАН НАТИЖАЛАР БИЛАН ТАНИШИНГ:

Дания – Ангола 28-24

Жанубий Корея – Бразилия 35-34

Хорватия – Австрия 24-23

Франция – Тунис 34-22

Шунингдек, бугун Руминия – Қозоғистон, Япония – Хитой, Германия – Миср, Швеция – Чили ҳамда Испания – Аргентина терма жамоалари ўзаро бахс юритади. Кеча чемпионатининг илк ўйини мезбон Россия ва Голландия қўл тўпи усталари ўртасида ўтказилиб, унда руслар 31-24 ҳисобида ғалабага эришганди.

Жами 24та терма жамоа ўртасида бошланган жаҳон чемпионатининг гуруҳ боскичда терма жамоамиз шунингдек, Норвегия, Дания ҳамда Ангола гандболчиларига қарши майдонга тушади.