27 июн 12:25
Янгиликлар

Гандбол

Гандболчиларимиз шарафига мадҳиямиз янгради

Теглар : IHF Trophy

Қозоғистоннинг Алмати шаҳрида гандбол бўйича U-18 ўсмирлар ва U-20 ёшлар жамоалари ўртасида Халқаро гандбол федерацияси кубогининг (IHF Trophy) 3-Осиё минтақаси босқичи якунланди.

Беш кун давом этган ушбу нуфузли турнирда Қозоғистон, Ўзбекистон, Қирғиз Республикаси, Покистон, Тожикистон ва Туркманистон терма жамоалари ҳар бир ёш тоифасида Осиё қитъаси босқичига бериладиган ягона йўлланма учун беллашишди.

Эътиборлиси шундаки, Ўзбекистон U-18 терма жамоаси ҳам, Ўзбекистон U-20 терма жамоаси ҳамўтказган барча учрашувида ғалаба қозониб, ўз ёш тоифаларида биринчи ўринни эгаллашди.

Натижада, терма жамоаларимизнинг иккаласи ҳам Халқаро гандбол федерацияси кубогининг Осиё қитъаси босқичида қатнашиш ҳуқуқини қўлга киритди.

U-18 биринчилиги. 1-ўрин. Ўзбекистон. 2-ўрин. Қозоғистон. 3-ўрин. Туркманистон.

U-20 биринчилиги. 1-ўрин. Ўзбекистон. 2-ўрин. Қозоғистон. 3-ўрин. Покистон.

Мусобақанинг тақдирлаш маросимида гандболчиларимиз шарафига давлатимиз мадҳияси янгради.