Ганфманн - коронавирусдан кейин ўтказилган илк турнир ғолиби!

Тўрт кун давом этган ушбу мусобақа коронавирус пандемияси сабаб юзага келган карантин кунлари ўтказилган илк турнир эди. Унда германиялик теннисчи Янник Ганфманн бош соврин соҳибига айланди. 

Мезбонлар вакили ҳал қилувчи финал учрашувида ватандоши Дастин Браунни 4/2, 4/0 ҳисобида мағлуб этди. Учинчи ўрин учун кечган баҳсда эса Ян Чоински Йоханнес Хаертайсдан устун келди - 4/2, 4/2. Кучли рақиб ҳисобланган Бенжамин Хассанни 4/3, 4/2 ҳисобида таслим этган Флориан Броска эса 5-ўринни банд этди.