17 июн 07:43
Янгиликлар

Теннис

Гарсия Ноттингемда бош совринга эга чиқди

Буюк Британиянинг Ноттингем шаҳрида теннис бўйича майса қопламали илк WTA турнири якунланди.

Сайёрамизнинг 28-ракеткаси Каролин Гарсия ушбу турнирда бош соврин соҳибасига айланди. Франциялик теннис маликаси финал учрашувида рейтингда ўзидан олти поғона юқорида турган хорватиялик Донна Векичга қарши кортга чиқди.

Икки соату 36 дақиқа давом этган мураккаб учрашувда Гарсия иродали ғалабага эришди - 2/6, 7/6(4), 7/6(4). Икки теннисчининг ўзаро учрашувлардаги умумий ҳисоб тенглашди - 3:3. 25 ёшли Каролин Nature Valley Open Nottingham турниридаги муваффақиятли иштирок учун 280 рейтинг очкоси ҳамда 43 000 АҚШ долларини қўлга киритди.