04 фев 08:34
Янгиликлар

Бокс/ММА

Гассиевнинг супероғир вазн дебют жангидаги рақиби маълум

Биринчи оғир вазн тоифасида собиқ жаҳон чемпиони Мурат Гассиевнинг навбатдаги жангдаги рақиби ошкор бўлди.

Россиялик боксчи америкалик Жерри Форрестга қарши рингга кўтарилади. Гассиев (26-1, 19 КО) иштирокидаги ушбу жанг 29 февраль куни АҚШнинг Техас штати Фриско шаҳридаги The Ford Center at The Star аренада бўлиб ўтади. Мурат шу куни супероғир вазн тоифасида дебют қилади.

ESPN берган маълумотга кўра, Мурат Гассиев елкасидан олган жароҳатини даволаб, машғулотларга қайтган. Жерри Форрестга қарши кечадиган жанг 10 раунд қилиб белгиланган. Ушбу бокс оқшомининг марказий жангида Майки Гарсия (39-1, 30 КО) ва Жесси Варгас (29-2-2, 11 КО) ўзаро тўқнаш келишади.