Генри Сехудо UFC`дан Волкановскини тўхтатиш учун титул жанги сўради

Учталик чемпион UFC раҳбари Дана Уайтдан Волкановски билан жанг ташкил қилиб беришни талаб қилмоқда. Айнан шу жанг учун у фаолиятини қайта тикламоқчи.  

"Алексни мағлуб этишимга нафақат кўзим етяпти, балки уни тўхтатишимга юз фоиз ишонаман. Айнан мен уни тўхтата оламан. Волкановскининг кучли жиҳатлари кўп. Камчиликлари эса ундан ҳам кўп. Мендаги тезлик, партердаги кураш, энг кучли жангчилар билан октагонда тўқнаш келганим, бўйимнинг пастлиги унга етарлича муаммо туғдиради. Менга учта раунд етади. Тарихни янгилаш учун менга имконият тақдим этинг", - дея TMZ каналига интервью берган Сехудо. 

Эслатиб ўтамиз, Александр Волкановски якшанба тонгида Лас-Вегас шаҳрида ўтказилган UFC 266 турнирининг марказий жангида Брайан Ортегани очколар ҳисобига кўра мағлубиятга учратган эди.