21 ноя 17:31
Янгиликлар

Бокс/ММА

GGG World Boxing президенти лавозимига ягона номзод бўлиб қолди

Ўрта вазн тоифасида собиқ жаҳон чемпиони Геннадий Головкиннинг World Boxing халқаро ҳаваскор бокс федерациясини бошқариши деярли ойдинлашди.

Қозоғистонлик функционер октябрь ойида World Boxing президенти лавозимига ўз номзодини қўйганини эълон қилганди. Сайловлар 23 ноябрь куни бўлиб ўтиши керак. Ҳозирча Геннадий ягона номзод бўлиб турибди.

Аввалроқ, Головкин сайланган тақдирда ҳам рингга қайтишини 100 фоиз истисно қилмаган эди, аммо бу истак эҳтимолдан йироқ бўлади. Геннадий ўтган йилнинг февралидан буён Қозоғистон Миллий олимпия қўмитасини бошқариб келмоқда.

Маълумот учун, Геннадий Головкин профессионал рингда 42 та ғалабага эришган. Ҳисобида 2 мағлубият ва 1 дуранг ҳам бор. Шунингдек, у 2004 йилги Афина Олимпиадасининг кумуш медали совриндори ҳам ҳисобланади.