Гимнастикачиларимиз Беларусдаги халқаро турнирда муваффақиятли иштирок этишди

Мусобақада мезбон Белоруссия, Украина, Россия ва Литва жамоалари билан бир қаторда ўзбекистонлик гимнастикачилар ҳам ўз имкониятларини синовдан ўтказишди. Айтиш керакки, Ўзбекистон катталар ва ўсмирлар терма жамоаси ушбу мусобақада муваффақиятли иштирок этди.

Турнирда жамоамиз аъзолари ўз чиқишлари билан бир нечта йўналишда ғолиб ва совриндорлар қаторидан жой олиб, жами бўлиб 15та медалга эга чиқишди.

Эркаклар терма жамоамиз аъзолари 5та олтин, 3та кумуш ва 4та бронза медалларини қўлга киритди.

Абдулла Азимов от машқи йўналишида ўз чиқиши билан шоҳсупанинг энг юқори поғонасидан жой олган бўлса, Хабибулло Эргашев брус йўналишида бажарган машқи учун олтин медалга лойиқ кўрилди. Ҳудди шу йўналишда Абдулла Азимов иккинчи бўлди. Турник машқларида Хабибулло Эргашев яна бир медални қўлга киритди. Бу сафар у шоҳсупанинг учинчи поғонасидан жой олди. Кўпкурашда бу икки спортчимиз мусобақанинг финалчиларига айланишди.

Ўсмирлар орасида кўпкураш баҳсларида мамлакатимиз шарафини ҳимоя қилган Ўткирбек Жўраев кумуш медални қўлга киритди.

Алоҳида снаряддаги финалларда ҳам спортчиларимиз шоҳсупага кўтарилишди:

Эркин машқлар

Фаёзиддин Маматқулов - 1 ўрин

От-машқи

Ҳумоюн Исломов - 3-ўрин

Ҳалқа машқи

Фаёзиддин Маматқулов - 2-ўрин

Таяниб сакраш

Ҳумоюн Исломов - 3-ўрин

Брус

Ўткирбек Жўраев - 1-ўрин

Фаёзиддин Маматқулов - 3-ўрин

Турник машқи

Ўткирбек Жўраев - 1-ўрин

Гимнастикачи қизларимиздан Дилдора Арипова таяниб сакраш машқларида иккинчи, эркин машқларда эса учинчи ўринни эгаллаб кумуш ва бронза медалини қўлга киритишди. Хода машқларида иштирок этган Омина Халилова бронза медали билан тақдирланди.