11 окт 12:12
Янгиликлар

Бокс/ММА

Ғоибназаров рингга чиқадиган бокс оқшоми чипталари сотиб бўлинди

Аввал хабар берганимиздек, 9 декабрь куни АҚШнинг Нью-Йорк шаҳрида профессионал бокс кечаси ўтказилади.

Дунёга машҳур Madison Square Garden аренасида ўтадиган ушбу бокс оқшоми учун чиқарилган чипталар сотиб бўлинди. Бу ҳақда бокс кечаси ташкилотчилари хабар беришди. Арена ўз бағрига 5 500 томошабинни сиғдира олади.

Бокс оқшомининг марказий жангида украиналик 29 ёшли Василий Ломаченко кубалик 37 ёшли Гильермо Ригондога қарши рингга кўтарилади. Жанг биринчи енгил вазн (59 кг) тоифасида ўтказилиб, ўртага Лимаченкога тегишли WBO чемпионлик камари қўйилади.

Эслатиб ўтамиз, ушбу бокс кечасида ҳамюртимиз Фазлиддин Ғоибназаров ҳам ўз жангини ўтказади. Рио Олимпиадаси чемпиони америкалик мағлубиятсиз одимлаёган Стивен Ортизга қарши рингга чиқади.