Ғоибназаровнинг мураббийи вазиятга ойдинлик киритди

Россиялик Андрей Климов кутилмаганда ўз режасини ўзгартириб, Фазлиддинга қарши рингга чиқмаслигини маълум қилганди. Ғоибназаровнинг мураббийи Аброр Турсунпўлатов бизга берган интервьюсида вазиятга ойдинлик киритди.  

“Фазлиддиннинг рақиби ўзгаради. Боиси, россиялик боксчи бизга рад жавобини берди. Ҳамма боксчилар ҳам Олимпиада чемпиони билан жангга рози бўлавермайди. Мағлубиятдан қўрқишади, шекилли.

Айниқса, рейтингда юқори ўринларни эгаллаб турган боксчиларда шундай ҳолат кузатилади. Улар мағлубият сабаб рейтингда пастлаб кетишни исташмайди. Ёки катта пул эвазига жангга розилик беришади. Ҳеч бўлмаса молиявий томондан ҳолатларини яхшилаб олишади.

Шу жиҳатдан ҳам рақиблар билан келишиш биз мижожи бўлган Боб Арум бошчилигидаги машҳур Top Rank компаниясига қийин бўляпти. Биз ҳар қандай ҳолатда ҳам 9 декабрь куни жанг ўтказамиз. Янги рақиб номи тез кунларда аниқ бўлади”, - деди Фазлиддиннинг мураббийи.