14 окт 11:58
Янгиликлар
Бокс/ММА
Головкиннинг қачон рингга қайтиши мумкинлиги айтилди
Қозоғистонлик жаҳон чемпиони Геннадий Головкиннинг промоутери Том Леффлер боксчи қачон рингга қайтиши мумкинлиги ҳақида гапирди.
"Энди биз DAZN билан музокаралар столига ўтиришимиз керак. Улар нима исташаётганини билишимиз лозим. Энди Головкин камарини ҳимоя қилиши лозим. IBF ва IBO нима истаётганини ҳам билишимиз керак. Головкин келаси йил бошида қайтмоқчи эканлигини биламан.
Альварес ҳақида гапирадиган бўлсак, у Ковалёв билан жанг қилади. Бу ажойиб жанг бўлади. Канелога қарши учинчи жангни ўтказамиз деб ўйлагандик. Буни DAZN билан муҳокама қиламиз", - деди Леффлер.
Эслатиб ўтамиз, Головкин 6 октябрь куни Нью-Йоркда ҳакамлар қарори эвазига Сергей Деревянченкони мағлуб этганди ва IBF ва IBO камарларини қўлга киритганди.
Қайд этиш лозимки, икки сафардан буён ҳамюртимиз Исроил Мадримов Геннадий Головкин билан бир оқшомда жанг олиб бормоқда.
Ҳавола :
Манба : Prosports.kz
Фикрлар