25 дек 11:00
Янгиликлар

Бокс/ММА

Гўзал Исматова: "Токиода юксак натижага эришиш учун бор имкониятимизни ишга соламиз"

Бокс бўйича Осиё чемпиони Гўзал Исматова Ўзбекистон Республикаси Президентининг сўзларидан сўнг муваффақиятларга эришишга янада бел боғлади.

– Президентимизнинг Мурожаатномаси бошқалар қатори мени ҳам тўлқинлантириб юборди. Айниқса, спортчиларни Олимпиадага тайёрлашда мутлақо янгича ёндашув бўлиши, спортчиларга барча имкониятлар яратилиши ҳақидаги сўзлари менга ўзгача руҳ, куч-ғайрат бағишлади. Бу Президентимизнинг биз ёшларга билдираётган юксак ишончи, бизнинг эзгу орзуларимизни рўёбга чиқаришга қаратилаётган улкан эътиборидан далолатдир.

Давлатимиз раҳбарининг ишончини оқлаш, 2020 йили Япониянинг Токио шаҳрида бўлиб ўтадиган Олимпия ўйинларида юксак натижаларга эришиш учун бор куч ва имкониятимизни ишга соламиз.