Гризманн аллақачон "Атлетико" машғулотларида қатнашмоқда

Ҳужумчи Антуан Гризманн ЖЧ-2022 финалидан сўнг бир неча кун машғулот ўтказди. Франциялик футболчи 18 декабрь куни Аргентинага қарши Жаҳон чемпионати ҳал қилувчи баҳсида (3:3, пенальтилар бўйича – 2:4) иштирок этганидан сўнг чоршанба куни "Атлетико"да индивидуал машғулотларни бошлади.

Гризманн жума кундан бери мадридликлар билан машғулотларда қатнашмоқда ва 29 декабрь куни Ла Лиганинг 15-турида "Эльче"га қарши ўйинга тайёр.

"Атлетико" аъзоси саналмиш ЖЧ-2022нинг яна тўрт нафар иштирокчиси – аргентиналиклар Родриго Де Пауль, Анхель Корреа, Науэль Молина ва хорватиялик Иво Грбич машғулотларни фақат бугундан бошлашлари кутилмоқда.