Гроссмейстерларимиз Жаҳон кубогининг учинчи босқичида қандай натижа қайд этишди?

Дунёнинг 206 нафар шахматчиси қатнашишни бошлаган нуфузли мусобақанинг 1/32 финал босқичида илк учрашувлар бўлиб ўтди. Афсуски, тўрт гроссмейстеримиздан ҳеч бири илк баҳсда ғалаба қозона олмади. Нодирбек Абдусатторов мексикалик Хосе Мартинес Алькантарага яхши имкониятга эга бўла туриб, якунда рақибига имкониятни бой бериб қўйди.

Шамсиддин Воҳидов рейтингда ўзидан юқорида бораётган ҳиндистонлик Аржун Эрагисига ютқазиб қўйди. Қолган икки шахматчимиз илк баҳсда дурангга рози бўлишди. Жавоҳир Синдаров грециялик Николас Теодору, Нодирбек Якуббоев эса вьетнамлик Тай Ван Нгуэн билан муросага келди. 

Гроссмейстерларимизнинг учинчи босқичдаги илк натижалари: 

Нодирбек Абдусатторов - Хосе Мартинес Алькантара (Мексика) — 0:1 

Жавоҳир Синдаров - Николас Теодору (Греция) — 0,5:0,5

Нодирбек Якуббоев - Тай Ван Нгуен (Вьетнам) — 0,5:0,5

Шамсиддин Воҳидов - Аржун Эрагиси (Ҳиндистон) — 0:1

Номзодлар турнири йўлланмаси учун кечаётган Жаҳон кубогининг бугунги учинчи босқич иккинчи учрашувлари бизнинг вақт билан соат 14:30да бошланади.