"Губернатор кубоги" совриндорлари қанча пул ишлаб олишди?

Ушбу мусобақада Ўзбекистон терма жамоаси боксчилари 4 та олтин, 1 та кумуш ва 1 та бронза медалини қўлга киритди.

Турнир ташкилотчилари мусобақа ғолиб ва совриндорларига медаллардан ташқари пул мукофотларини ҳам тақдим этишди. 

Унга кўра, олтин медаль соҳиблари 450 000 рубль (тахминан 6000 АҚШ доллари), кумуш медаль эгалари 250 000 рубль (тахминан 3300 АҚШ доллари), бронза медалини қўлга киритган боксчилар эса 150 000 рубль (тахминан 2000 АҚШ доллари) миқдоридаги пул мукофотини ишлаб олишди. 

Эслатиб ўтамиз, мусобақа якунига кўра, Ўзбекистон терма жамоаси сафида совриндорлар рўйхати қуйидагича кўриниш олди:

Олтин:

-49 кг: Нодиржон Мирзаҳмедов

-52 кг: Шаҳобиддин Зоиров

-57 кг: Миразизбек Мирзахалилов

+91 кг: Баҳодир Жалолов

Кумуш: 

-60 кг: Абдумалик Халаков

Бронза:

-69 кг: Бобоусмон Батуров.