Гусков билан 1 август куни жанг қилиши керак бўлган Ян Блахович кутилмаган ўзгаришларга муносабат билдирди

Ярим оғир вазн тоифасида собиқ UFC чемпиони Ян Блаховичнинг айтишича, ташкилот унга Абу-Дабидаги турнирда Магомед Анкалаев билан жангда Халил Раунтрини алмаштиришни таклиф қилган, бироқ у вазн ташлаш билан боғлиқ масала сабаб иштирок этишини дарҳол тасдиқламаган ва жанг Богдан Гусковга берилган.

"Бўлажак жангим ҳақида қисқача маълумот. UFC менга дастлаб Анкалаев билан жанг қилишни таклиф қилди. Аммо қандайдир 10 кун ичида керакли вазнни қила олишимга ишончим комил эмасди. Бир неча соатдан сўнг мен жангни ҳеч қандай келишув вазнисиз тасдиқладим, аммо бу вақтга келиб Гусков билан келишув аллақачон тузиб бўлинган экан. Начора, ҳозир Сербиядаги UFC турнири учун янги рақиб кутяпман", - деб ёзди Блахович Х ижтимоий тармоғидаги саҳифасида.