Гусковнинг дўсти ва ўхшамай қолган "рақиби" сафдан чиқди

Ушбу жангнинг 7 июнь куни АҚШнинг Ньюарк шаҳрида ташкил этиладиган UFC 316 турнири кардида ўтказилиши белгиланганди. Яримоғир вазн тоифаси вакили ҳисобланган Уокернинг нима сабабга кўра бу жангда ечилгани маълум эмас. Энди унинг ўрнини ватандоши Брендсон Рибейро эгаллайди. 

Мағлубият нималигини билмай келаётган Азамат Мурзаканов ўтган йилнинг август ойида UFC промоушенидаги ўзининг тўртинчи ғалабасини қўлга киритганди. Ўшанда у Алонозо Менифилдни иккинчи раундда нокаутга учратган эди. Аммо кейин 36 ёшли россияликнинг допинг сабаб ноябрь ойида ватандоши Никита Криловга қарши ўтказилиши белгиланган жанги бекор қилинганди. Куни кеча унинг олти ойлик дисквалификацияси якунига етди.

Брендсон Рибейро эса икки ғалабали серия билан келмоқда. Аввалига Кайо Мачадони очколар ҳисобига кўра мағлуб этилди. Кейин эса у кимура усулида Дияр Нургожайдан устун келди. Ундан аввал бразилиялик 28 ёшли аралаш яккакураш устаси Миньян Чжанга нокаут, Магомед Гаджиясуловга очколар ҳисоби билан ютқазиб қўйганди.

Дарвоқе, иккинчи бор жанги бекор бўлган Жонни Уокер ҳамюртимиз Богдан Гусковнинг жамоадоши ҳисобланади. Ёдингизда бўлса, бу икки дўстнинг ўзаро жанги ҳам белгиланганди, аммо ўшанда ҳам Уокернинг сафдан чиққанлиги сабаб бу тўқнашув амалга ошмай қолган эди.