01 сен 14:57
Янгиликлар

Бокс/ММА

Густафссон ярим оғир вазнга қайтмайди

Швециялик UFC жангчиси Александр Густафссон ярим оғир вазн тоифасига қайтмаслигини маълум қилди.

"Оғир вазнда жанг ўтказиш мен учун янги тажриба бўлди. Бу вазнда ўзимни дарёда сузиб юрган наҳанг балиқдек ҳис қиляпман. Ярим оғир вазнга қайтиш режамда йўқ. Оғир вазн тоифасида оғир зарбаларни беряпман ва ўзимни ҳар қачонгидан-да кучли ҳис қиляпман", — дея Густафссоннинг сўзларини келтирмоқда MMA Hytt.

Эслатиб ўтамиз, Александр Густафссон шу йилнинг 25 июль куни оғир вазнда дебют жангини ўтказганди. Аммо, у собиқ UFC чемпиони, бразилиялик 42 ёшли Фабрисиу Вердумга биринчи раунднинг ўзида имкониятни бой берганди. Вердум жанг бошланганидан 2 дақиқаю 30 сония ўтган бир пайтда шведни оғритувчи усул эвазига таслим этган эди.