Гвардиола "Интер"нинг энг хавфли футболчиларини санади

"Манчестер Сити" шанба куни треблни якунлашга ҳаракат қилади – улар Чемпионлар Лигасидаги ғалабани АПЛ ва Англия Кубогидаги ғалабаларга қўшишлари мумкин. "Шаҳарликлар" тарихда ҳеч қачон бу мусобақада ғолиб бўлмаган.

"Интер"га қарши курашда Англия чемпиони яққол фаворит ҳисобланади. Гвардиола рақибга катта ҳурмат билан қарайди. Испаниялик мутахассис Италия жамоасининг энг яхши футболчиларини айтди.

"Андре Онана – "Интер" ўйинига жуда мос. Қолаверса, ҳимояда Алессандро Бастони ҳужумчилар билан ўйинни уйғунлаштириб, қўшимча узатмаларни амалга оширишга қодир. Қандай қилиб билмайман, лекин биз бундан ўзимизни ҳимоя қилишимиз керак.

Сўнгги бир неча йил ичида АПЛнинг кўплаб жамоалари бешта ҳимоячи билан ўйнашди. Бироқ "Интер" иккита ҳужумчидан фойдаланади, бу эса вазиятни бироз мураккаблаштиради. Қолаверса, жамоа ҳар доим шу тизим бўйича ўйнайди ва буни жуда яхши ўзлаштирган", – деди Гвардиола.

Чемпионлар Лигаси финали бугун 00:00 да старт олади.