Гвардиола "Реал" устидан қозонилган йирик ғалаба ҳақида фикр билдирди

“Уйда мухлислар қаршисида ўйнаш бизга жуда ҳам қулайлик яратади. EЧЛ финалига чиққан жамоалар байрам қилади, бироқ бизда бунга вақт йўқ. Сабаби биз якшанба куни АПЛда чемпионликни қўлга киритишимиз мумкин. Эртага оила даврасида дам оламиз ва кейин яна тайёргарликни давом эттирамиз.

Бугун биринчи дақиқаларданоқ бизда футболчиларнинг тайёр эканлиги сезилди. Хотиржам эди, улар шу кунларда кўп ҳазил қилишарди, шунинг учун мен ҳеч қандай таранглик ва хавотирни ҳис қилмадим. Бугун биз ғалабага тайёр эканлигимизни ҳис қилдим", — деди Гвардиола.