Haneda Turtle Service компанияси дзюдочиларимизга 100 комплект кимано совға қилди

Тадбирда Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов, федерация бош котиби Азиз Собиров, раис маслаҳатчиси Ксения Гулямова, Haneda Turtle Service бошқарув директори Кодзи Моримото, директорлар кенгаши раиси Юдзиро Накамура, компания менежери Акинори Хонго иштирок этди. 

Ушбу сервиз компанияси бир неча йилдан бери Япония дзюдо федерацияси билан ҳамкорликда ишлаб, мамлакат терма жамоалари учун хизмат кўрсатиб келяпти. Haneda Turtle Service расмий вакилларининг ташрифи Ўзбекистон ва Япония дзюдо федерациялари ўртасидаги ҳамкорлик маҳсули ҳисобланади. 

Мулоқот чоғида икки томонлама манфаатли алоқалар масаласи муҳокама қилинди. Азизжон Камилов ташриф учун япониялик меҳмонларга миннатдорлик билдирди. Ўз ўрнида Кодзи Моримото бошчилигидаги дзюдо ватани вакиллари ҳам илиқ қабул қилиш ташаккур изҳор қилишди. 

Шундан сўнг, Haneda Turtle Service компанияси вакиллари ўсмирлар ва ёшлар терма жамоамиз дзюдочиларига 100 та комплект кимано совға қилишди.