10 дек 12:34
Янгиликлар
Бокс/ММА
Ҳасанбой Дўсматов 77 фоиз овоз билан якка пешқадам!
Аввал хабар берганимиздек, шу кунларда AIBA йилнинг энг яхши боксчисини аниқлаш учун сўровнома ўтказмоқда.
Қувонарлиси, ушбу мукофотни қўлга киритиш учун даъвогарлар орасида бизнинг Ҳасанбой Дўсматов ҳам бор. 49 кг вазн тоифасида Рио Олимпиадаси чемпиони ушбу мукофотни қўлга киритишга жуда яқин турибди.
Ҳозиргача у 77 фоиз овоз билан яққол пешқадам бўлиб турибди. Иккинчи ўринда 18 фоиз овоз билан қозоғистонлик Олимпиада чемпиони Данияр Елиусинов бормоқда.
Кубалик чемпион Робейси Рамирес эса учинчи поғонадан жой олган. Рио Олимпиадаси чемпиони 5 фоиз овоз тўплаган. Айнан мана шу уч боксчидан бири дунёнинг энг яхши боксчиси деб эълон қилинади.
Ғолибни тақдирлаш маросими 20 декабрь куни
Швейцариянинг Лозанна шаҳрида бўлиб ўтади. Уччала номзод ҳам ушбу маросимга
таклиф этилган бўлиб, айнан ўша ерда ғолиб номи ошкор этилади.
Ҳавола :
Манба : olamsport.com
Фикрлар
Respect N1