Ҳасанбой Дўсматов: "Рақибим мендан тажрибалироқ эди"

Профессионал боксдаги учинчи жангини ҳам ғалаба билан якунлаган Рио Олимпиадаси чемпиони Ҳасанбой Дўсматов сайтимиз мухбирига интервью берди.

"Ғалаба қозонганимдан хурсандман. Ўйлаган мақсадимга эришдим. Мураббийлар ва мухлислар ишончини оқладим деб ўйлайман. Бу бошланиши ва ҳали янги Ўзбекистон учун чиройли ғалабаларни тақдим этамиз. Очиғини айтаман, рингга нокаутни ўйлаб тушмагандим. Профессионал бокс ҳаваскордан фарқ қилади. Қолаверса, рақибим айнан профессионал боксда мендан кўра тажрибалироқ эди. Профессионал боксда 11 та жанг ўтказган, рейтингда 23-ўринни эгаллаб турганди. Энди режа бўйича 3-4 ойдан сўнг бугун қўлга киритган камаримни ҳимоя қилишим керак. Менежерларим тезроқ жанг беришади деган умиддаман", - деди Дўсматов.