25 июн 15:43
Янгиликлар

Футбол

Ҳожиакбар Алижонов нега фақат қора бутсада майдонга тушади?

Ўзбекистон миллий терма жамоаси ва "Пахтакор" клуби ҳимоячиси Ҳожиакбар Алижонов 90minutuz подкасти меҳмони бўлди.

Унда футболчига мухлислар томонидан юборилган бир қатор саволлар берилди.

- Сиз ўйнашни орзу қилган Европадаги клуб?
- "Реал Мадрид".

- Қайси ҳужумчига қарши ўйнаш қийинроқ?
- Ойбек Бозоров.

- Энг чиройли голингиз қайси?
- "Ал Садд" ва "Навбаҳор"га урган голларим.

- Суперлигадаги қайси ўнг қанот ҳимоячини эътироф этган бўлардингиз?
- Яхши ўнг қанот ҳимоячилари кўп: Дилшод Саитов, Саидазамат Мирсаидов ва Зафармурод Абдираҳматов.

- Футболдан бўш вақтда нима билан шуғулланасиз?
- Стол теннис ўйнайман.

- Нега фақат қора рангли бутсада майдонга тушасиз?
- Биринчидан, қора бутса ёқади. Иккинчидан, бу рангли моделдан кўп сотиб олганман. Ҳали уйда кийилмаганлари ҳам кўп.