UZ

Сўнгги янгиликлар

19:00Монтелла Балотелли нима учун Туркияни тарк этганини тушунтирди 0 18:33Усик: "Юқори натижага эришган спортчи бунчалик аҳмоқ бўлиши мумкин эмас" 0 18:11Жасур Алижонов UFC 280 турнирида Маҳмуд Мурадовнинг бурчагида ишлайди 1 17:50Геннадий Головкиннинг 2022 йилда қанча ишлаб олгани маълум бўлди 0 17:28АҚШ терма жамоаси устози ЖЧ-2022 фаворитини ажратиб кўрсатди 0 17:06Рафаэль дос Аньос UFC яримўрта вазн тоифасига қайтмоқчи 0 16:45Қаторасига учинчи марта вазн қила олмаган UFC гўзали ташкилотдан ҳайдалди 0 16:23Пойтахт вилояти чемпионлари Чирчиқда аниқланди 0 16:02Саудия Арабистони клуби президенти Роналдуга бўлган қизиқиш ҳақида гапирди 0 15:48Спортчилар ижтимоий тармоқларда 0 15:27Вазирликда жаҳон чемпионатига тайёргарлик муҳокама қилинди 0 15:06Дастин Порье Чендлерга қарши жанг режасини маълум қилди 0 14:45Ҳоланд Беллингемни "Манчестер Сити"га таклиф қилмоқда 0 14:23Александр Усик нима сабабдан Фьюрига қарши декабрда жанг қилмаслигини тушунтириб берди 0 14:00Федор Емельяненко: «Умид қиламанки, Бейдер сўзидан қайтмайди» 0

09 мар 18:30
Янгиликлар

Бокс/ММА

“Ҳумо арена” Ўзбекистонда илк бор ўтказиладиган йил жангига тайёрланмоқда

Кўпчилик мухлислар интиқиб кутаётган жанг яқинланиб келмоқда.

3 апрель куни пойтахтимиздаги “Ҳумо арена” муз саройида Рио-2016 Олимпия ўйинлари бронза медали совриндори, профессионал боксда WBA ва IBF йўналишлари бўйича жаҳон чемпиони Муроджон Аҳмадалиевнинг навбатдаги жанги бўлиб ўтади. Унда ҳамюртимиз япониялик Рёсукэ Ивасага қарши жангда чемпионлик камарларини ҳимоя қилади. Шунингдек, мазкур жанг андеркардида Исроил Мадримов, Шаҳрам Ғиёсов, Ҳасанбой Дўсматов, Иқболжон Холдоров, Миразизбек Мирзаҳалилов, Баҳодир Жалолов, Элнур Абдураимов, Санжар Турсунов каби номдор боксчиларимиз ҳам рингга кўтарилишади. Бу ўзбек спортида чинакам тарихий воқеликдир. Зеро, илк бор ҳамюртимизнинг чемпионлик камарини ҳимоя қилувчи жанги Тошкентда, минглаб мухлислар кўз ўнгида ўтиши кутилмоқда. Шубҳасиз, ушбу жангга тайёргарлик шунга яраша юқори савияда бўлмоғи даркор.

Бугун МОҚ раиси Рустам Шоабдураҳмонов бошчилигидаги Қўмита мутасаддилари “Ҳумо арена”га ташриф буюриб, бўлажак бокс кечасига тайёргарлик бўйича дастлабки музокараларни олиб боришди. Учрашувда “Ҳумо арена” директори Рустам Мардиев, МОҚ ва Ўзбекистон бокс федерацияси вакиллари, чипталар билан шуғулланувчи i-ticket компанияси мутасаддилари, тадбирлар ташкил қилиш бўйича PR компаниялар менежерлари ҳам иштирок этишди.

Рустам Шоабдураҳмонов бўлажак жанг ташкилий ишларида ҳамкорлик қиладиган ушбу мутасаддилар билан суҳбатлашар экан, унга ҳар томонлама пухта тайёрланиш зарурлигини таъкидлади.

“Муҳтарам Президентимиз юртимизда соғлом турмуш тарзи ва оммавий спорт тарғиботига жуда катта аҳамият қаратмоқдалар. Бунинг учун аввало, мамлакатимизда катта спорт тадбирларини ташкил қилишимиз лозим. Бу борада куни кеча ниҳоясига етган дзюдо бўйича Тошкент “Катта дубулға” турнири мисол бўла олади. Ана энди бор эътиборимизни ушбу бокс кечасига қаратишимиз ва уни ҳам юқори савияда ташкил қилишимиз керак”, – деди МОҚ раиси.

Суҳбат давомида бокс оқшомига ташриф буюрадиган мухлислар учун чинакам спорт ҳавосини тақдим қилиш, ҳар қадамда бокс ва спорт атмосферасини бериб турадиган турли безаклар, баннерлар, кўргазмалар, ўзбек боксининг бой тарихини намойиш қиладиган экспонатлар ташкил қилиш, барча боксчиларимиз, жумладан, асосий жангда қатнашувчи Муроджон Аҳмадалиевнинг номини ёшларимиз учун чинакам қаҳрамон сифатида гавдалантириш, тарғибот-ташвиқот ишларини кучайтириш борасида кўрсатмалар берди.

Рейтинг: +2   

Фикрлар

   
09 мар 20:31:16
Asliddin
Wooow
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг