"Ҳумо" ҳужумчи Павел Синявский билан шартномани узайтирди

Россиялик 25 ёшли хоккейчи ўтган мавсумда "қанотлилар" таркибида умумий ҳисобда 33 та ўйинда музга чиқиб, 16 очко (10+6) ишлашга муваффақ бўлган эди.

Жамоа билан шартномасини узайтирган форвард мухлисларга мурожаат қилди:

"Ҳурматли мухлислар! Қўллаб-қувватлаганингиз учун раҳмат айтмоқчиман! Эътиборингиз ва илиқ кутиб олганингиз учун ҳам. Ўтган мавсумда омадсизликдан кўра ғалабалар кўп бўлди! Ҳа, биз асосий ғалабани қўлга кирита олмадик, аммо янги мавсум яқинлашмоқда ва бу биз учун имконият. Энг асосийси, бизда хоҳиш катта. Ва сиз, бизнинг энг яхши мухлисларимиз, узоқ кутилган ғалаба сари йўлда барча тўсиқларни енгиб ўтишимизга ёрдам берасиз! Биз бир жамоамиз!".

Маълумот учун, "Ҳумо" жамоаси янги мавсумга тайёргарликни 2 июль куни Тошкент шаҳрида бошлаган эди.