"Ҳумо" иккинчи ўйинда ҳам "Бейбарис"дан устун келди

Қувонарлиси, Тошкентнинг "Ҳумо" жамоаси ўз майдонида Атирау шаҳрининг "Бейбарис" клубини 3:2 ҳисобида таслим этди. Бир кун аввал ўтказилган илк ўйинда ҳам "қанотлилар" атирауликларни 2:1 ҳисобида мағлубиятга учратишган эди. Эдгарс Сиксна, Василий Жилов ва Данила Карабань "Ҳумо"нинг голларига муаллифлик қилишди.

Эътиборлиси, "Ҳумо" клуби Қозоғистон чемпионатида кетма-кет тўртинчи ғалабасини тантана қилди. Жамоа 21 очко билан турнир жадвалида 4-ўринга кўтарилиб олди. Жамоа пешқадам "Номад"дан иккита ўйин кам ўтказган. Асатаналиклар 25 очко билан карвонбоши бўлиб туришибди. 

"Ҳумо" клуби навбатдаги икки учрашувни ҳам ўз майдонида ўтказади. "Қанотлилар" 18-19 ноябрь кунлари "Актобе" клубини қабул қилишади. Бу жамоа 14 очко билан 9-поғонадан жой олган. Клуб сўнгги икки учрашувда мағлубият аламини тотиб кўрган.