"Ҳумо" кейинги ўйинларини қачон, қаерда ва қайси жамоага қарши ўтказади?

"Қанотлилар" бу сафар чемпионатда тўртинчи ўринни эгаллаб турган "Номад" жамоасига қарши музга чиқишади. Учрашувлар 29 ва 30 ноябрь кунлари бўлиб ўтади. 

29 ноябрь, 19:30

"Ҳумо" (Тошкент) - "Номад" (Остона)

30 ноябрь, 19:30

"Ҳумо" (Тошкент) - "Номад" (Остона).

Маълумот учун, Тошкентнинг "Ҳумо" жамоаси Мунтазам чемпионат жадвалида 30 та ўйиндан сўнг 48 очко билан иккинчи ўринда бормоқда. Тўртинчи ўриндаги "Номад" ҳисобида эса 36 очко бор, аммо рақибларимиз биздан тўртта кам ўйин ўтказган. 

Жамоалар ўртасида сентябрь ойида ўтказилган ҳар икки учрашувда "Ҳумо" ғалаба қозонган эди (1:0, 2:0). Шунингдек, "Ҳумо" ва "Номад" ўртасида шу кунгача 13 та ўйин ўтказилган ва уларнинг 6 тасида тошкентликлар ғалаба қозонишган, 7 та ўйинда эса "Номад" вакиллари зафар қучган.