"Ҳумо" меҳмонда плей-оффнинг ҳал қилувчи ўйинини ўтказди

Бу икки жамоанинг плей-офф сериясидаги ўзаро олтинчи учрашувидан кейин ҳисоб 3:3 кўринишига келганди. "Қанотлилар" Тошкентда ўтган учрашувда ғалаба қозонсалар, финалга чиққан ва кеча Қозоғистонда ўтган ўйинга ҳожат қолмас эди. 

Афсуски, "Ҳумо" ўша имкониятдан фойдалана олмаган ва ўз вазифасини қийинлаштириб юборганди. Кеча Уст-Каменогорскда ўтган ҳал қилувчи ўйинда ғалати ишлар бўлиб кетди. 3:1 ҳисобида олдинга чиқиб олган "Ҳумо" якунда финал йўлланмасини рақибга қўш қўллаб топширди. 

"Торпедо" учинчи бўлимда мувозанатни тиклади. Овертаймда эса яна бир ғалати иш бўлди. "Ҳумо" ҳужумчиси Владислав Дюкарев Никита Колобовга қарши фол ишлатди ва бу ҳолатда ҳакам буллит белгилади. Илья Кляузов ўзига берилган "совға"дан унумли фойдаланди – 4:3!

"Торпедо" деярли 5000 томошабин кўз ўнгида финал йўлланмасини қўлга киритди. "Ҳумо" оғзи ошга етай деганда, аламли тарзда мусобақадаги иштирокини финал остонасида якунлади. Жуда ғалати! 

Плей-офф финал серияси. Еттинчи учрашув

"Торпедо" (Уст-Каменогорск) - "Ҳумо" (Тошкент) 4:3 ОТ (0:1, 1:1, 2:1, 1:0)

Голлар:

0:1 – Карабань (Сиксна, Литовченко), 00:28

0:2 – Лихотников (Карабань, Саврицкий), 33:02

1:2 – Акмалдинов (Яковлев, Мусоров), 36:55

1:3 – Дорофеев (Жилов, Дербенёв), 48:45

2:3 – Акмалдинов (Колобов, Мусоров), 54:32 

3:3 – Сулимов (Лагунов, Акмалдинов), 58:59

4:3 – Кляузов, буллит 60:46