"Ҳумо" плей-оффга йўлланма берадиган сўнгги ўйинини ўтказди

Қарағанда шаҳри мезбонлигида ўтаётган А гуруҳи ўйинларида қатнашган "Ҳумо" 3 та ўйиннинг ҳеч бирида асосий вақтда мағлубиятга учрамади. Бир ўйинда буллитлар сериясида рақибга имкониятни бой берилди. Иккинчи турда "Актобе" мағлуб этилди. Бугун эса овертайм, яъни қўшимча 5 дақиқалик бўлимда аламли мағлубият қабул қилиб олинди.  

Бугун Евгений Попихин шогирдлари "Кулагер"га қарши музга чиқишди. Учрашув якунланишига 4 дақиқадан сал кўпроқ вақт қолган бир пайтда хоккейчиларимиз ўз дарвозаларидан шайба ўтказиб юборишди. Асосий вақт 2:2 ҳисоби билан якунланди. Беш дақиқалик овертаймда эса Евгений Лизин петропавловскликларга ғалаба келтирган шайбага муаллифлик қилди. 

"Ҳумо" (Тошкент) - "Кулагер" (Петропавловск) 2:3 ОТ (1:1, 1:0, 0:1, 0:1)

1:0 – 03:58 – Легалин

1:1 – 17:28 – Закарлюкин (Старцев, Подшендялов) 

2:1 – 24:50 – Дорофеев (Рехтин)

2:2 – 55:45 – Старцев (Шульга)

2:3 – 61:23 – Лизин (Подшендялов)

Дарвозабонлар: Смирягин – Хозяшев  

Шу тариқа, "Ҳумо" жамоаси қолган гуруҳларда иккинчи ўринни эгаллаган жамоалар орасида паст кўрсаткичга эга бўлгани боис, Қозоғистон Кубогининг плей-офф йўлланмасини қўлга кирита олмади. 

"Ҳумо" жой олган гуруҳдан Кубокнинг амалдаги соҳиби "Сариарка" 1/2 финалга йўл олди. Шунингдек, "Бейбарис", энг яхши иккинчи ўрин эгаси "Горняк" ҳамда Қозоғистон вице-чемпиони "Арлан" ҳам плей-оффда бош соврин учун курашни давом эттиради.   

 Энди "Ҳумо" жамоаси Тошкентга қайтади ва 11 сентябрь куни старт оладиган Қозоғистон чемпионати (Pro Hokei Ligasy)га тайёргарликни давом эттиради.