04 июл 09:58
Янгиликлар

Теннис

Ҳумоюн Султонов 1/4 финалда уч сетлик учрашув ўтказди

Германиянинг Марбург шаҳрида ўтказилаётган теннис бўйича эркаклар ўртасидаги ITF таснифига кирувчи M25 тоифасидаги турнирда 1/2 финал жуфтликлари маълум бўлди.

Мусобақада мамлакатимизнинг иккинчи ракеткаси Ҳумоюн Султонов ҳам иштирок этди ва ярим финал остонасида юришини тўхтатди. Ҳамюртимиз 1/4 финалда словениялик Филип Жефф Планинсекка қарши кортга чиқди. Икки соату 50 дақиқа давом этган баҳсда афсуски, Султонов рейтингда ўзидан юқорида турган рақибига уч сет натижасига кўра имкониятни бой бериб, мусобақадаги иштирокини тўхтатди — 5/7, 6/2, 2/6.

Таққослаш учун, Ҳумоюн Султонов айни пайтда дунё рейтингида 603, турнирда саккизинчи рақам остида таснифланган Планинсек 565-ўринни эгаллаб турибди. Бу теннисчиларнинг ўзаро ўтказган илк учрашуви бўлди.