Ҳумоюн Султонов Australian Open ярим финалчисига қарши ўйин ҳақида: "Аввал Каспер Рууд билан ҳам ўйнаганман"

Бугун пойтахтимизда жойлашган Hilton меҳмонхонасида Дэвис Кубоги саралаш босқичидан ўрин олган Ўзбекистон — АҚШ ўйини олдидан матбуот анжумани ташкил этилди. Унда мамлакатимизнинг айни дамдаги учинчи ракеткаси Ҳумоюн Султонов ҳам иштирок этди ва эртага бўлиб ўтадиган ўйинлар олдидан ўз фикрини билдирди.

Ҳумоюн Султонов қуръа натижасига кўра, яқинда якунланган Австралия очиқ чемпионати ярим финалчиси Томми Полга қарши ўйнайди.

— Рақибингиз Австралия очиқ чемпионатида ярим финалгача етиб борди. Сиз бундай номдор рақибга қарши психологик томондан ўзингизни қандай тайёрламоқчисиз?

"Аввал ҳам кучли спортчиларга қарши ўйганман. 2018 йилда ўша пайтда топ-10 ликда турувчи норвегиялик Каспер Рууд билан ўйнаганман. Бунга асосан сардор билан тузилган режа бўйича тайёрланамиз", - дейди Султонов.

Маълумот учун, Ҳумоюн Султонов эртага АҚШнинг биринчи ракеткаси Томми Полга қарши кортга чиқади. Учрашув Тошкентдаги Республика олимпия заҳиралари коллежида 13:00 да бошланади.