23 май 09:16
Янгиликлар

Теннис

Ҳумоюн Султонов Австрия турнири бош соврини учун ўйнайди

Австриянинг Клагенфурт шаҳрида ўтказилаётган теннис бўйича М15 тоифасига кирувчи турнирнинг илк финалчиси аниқланди.

Қувонарлиси, ҳамюртимиз Ҳумоюн Султонов ортиқча қийинчиликсиз финал чиптасини қўлга киритди. Мамлакатимизнинг собиқ биринчи ракеткаси 1/2 финалда чехиялик 31 ёшли Доминик Речекни 6/1, 6/0 ҳисобида доғда қолдирди.

Таққослаш учун, Султонов айни пайтда ATP рейтингида 806, Речек 1002-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Энди Ҳумоюн мусобақа бош соврини учун турнирнинг иккинчи ракеткаси Самуэль Пьерига қарши кортга чиқади. Италиялик теннисчи 1/2 финалда украиналик Олекси Крутихни 7/5, 6/3 ҳисобида енгди. Пьери ҳозирда дунёнинг 471-ракеткаси ҳисобланади.