23 май 16:16
Янгиликлар

Теннис

Ҳумоюн Султонов Австрия турнири вице-чемпиони

Австриянинг Клагенфурт шаҳри мезбонлик қилган теннис бўйича М15 тоифасига кирувчи турнир якунига етди.

Ҳамюртимиз Ҳумоюн Султонов мусобақа бош соврини учун кечган ҳал қилувчи финал учрашувида турнирнинг иккинчи ракеткаси, италиялик Самуэль Пьерига қарши кортга чиқди. Тажрибали Пьери финал баҳсини ортиқча қийинчиликсиз ўз фойдасига ҳал қилди - 6/1, 6/2.

Таққослаш учун, Самуэль Пьери ҳозирда дунёнинг 471-ракеткаси бўлиб турибди. Ҳумоюн Султонов эса ATP рейтингида 806-поғонадан жой олган.