22 июн 11:17
Янгиликлар

Теннис

Ҳумоюн Султонов Бельгия турнири 1/2 финалида

Бельгиянинг Дюффель шаҳрида теннис бўйича M25 тоифасига кирувчи турнир бўлиб ўтмоқда.

Мукофот жамғармаси 25 000 АҚШ долларини ташкил этувчи ушбу турнирда Ҳумоюн Султонов ҳам муваффақиятли одимлаяпти. Ҳамюртимиз турнирда иккинчи рақам остида таснифланган бўлиб, учинчи учрашувида ҳам қийинчилик билан ғалабага эришди.

Мамлакатимизнинг биринчи ракеткаси 1/4 финалда ATP рейтингида 593-поғонада бораётган Байли Жиллесни 6/3, 4/6, 6/4 ҳисобларида мағлубиятга учратди. Дунёнинг 331-ракеткаси бўлиб турган Султоновнинг 1/2 финалдаги рақиби финляндиялик Йеро Васа бўлади. Васа ATP рейтингида 804-поғонадан жой олган. Ушбу учрашув бизнинг вақт билан соат 17:00да бошланади.