23 июн 09:28
Янгиликлар

Теннис

Ҳумоюн Султонов Бельгия турнири бош соврини учун кортга чиқади

Бельгиянинг Дюффель шаҳрида ўтказилаётган теннис бўйича M25 тоифасига кирувчи турнир ўз якуни сари яқинлашмоқда.

Мукофот жамғармаси 25 000 АҚШ долларини ташкил этувчи ушбу турнирда Ҳумоюн Султонов ҳам муваффақиятли одимлаяпти. Турнирда иккинчи рақам остида таснифланган ҳамюртимиз финал йўлланмасини қўлга киритди.

Мамлакатимизнинг биринчи ракеткаси 1/2 финалда ATP рейтингида 804-поғонада бораётган финляндиялик Йеро Васани 6/3, 6/3 ҳисобида мағлубиятга учратди.

Дунёнинг 331-ракеткаси бўлиб турган Султоновнинг финалдаги рақиби австриялик Сандро Копп бўлади. Копп рейтингда Ҳумоюндан 8 поғона пастроқда бормоқда. Финал учрашуви бизнинг вақт билан соат 18:00да бошланади.