Ҳумоюн Султонов эртага баҳс олиб борадиган рақиби билан илк бор 2016 йилда тўқнаш келганди, ўшанда натижа қандай бўлган?

Қувонарлиси, мусобақада узоқ танаффусдан кейин яна ўзбекистонлик теннисчи иштирок этади.

Мамлакатнинг биринчи рақамли ракетка устаси Ҳумоюн Султонов турнирнинг квалификация босқичида омадини синаб кўради. Унга саралашнинг илк раундида колумбиялик аниэль Элахи Галан рақиблик қилади.

Наманганда туғилган 26 ёшли Ҳумоюн Султонов 28 яшар Галан билан шу кунга қадар бир маротаба учрашган. Уларнинг ўйини 2016 йил Италиянинг Леччо шаҳрида ўтказилган ITF турнири доирасида ташкил этилган. Ўшанда Султонов 2:1 (3/6, 7/6, 6/4) ҳисобида ғалаба қозонганди.

Статистика сифатида таъкидлаш лозим, Ҳумоюн Султонов сўнгги 5 та ўйинини Australian Open ўйналадиган хард кортларида ўтказди ва унинг 3 тасида ғалаба, 2 тасида мағлубият қайд этди. Галан эса охирги икки ўйинини хард кортларида ўтказиб, биттадан ғалаба ва мағлубиятни ўз ҳисобига ёзиб қўйди. Умуман олганда, колумбиялик спортчи сўнгги бешта ўйинида 3 та мағлубият, 2 та ғалаба қайд этган.

Таққослаш учун, Ҳумоюн Султонов айни дамда ATP рейтингида 223, Галан эса 126-ўринни банд этиб турибди. Даниэль ҳам ўз юртинининг биринчи рақамли теннисчиси бўлиб турибди.

Ҳумоюннинг Галанга қарши ўйини Тошкент вақти билан 6 январь куни тонгги 4:00 да старт олиши белгиланган.