28 окт 10:44
Янгиликлар

Теннис

Ҳумоюн Султонов Эстонияда бош соврин учун курашяпти

Эстониянинг Пярну шаҳрида теннис бўйича ITF M15 Parnu 2 турнири бўлиб ўтмоқда.

Мусобақада Ҳумоюн Султонов ҳам иштирок этяпти. Мамлакатимизнинг учинчи ракеткаси кеча нимчорак финал учрашувида мезбонлар вакили Кенетт Раисмани 6/3, 7/6(2) ҳисобида мағлубиятга учратди.

Таққослаш учун, Ҳумоюн ATP рейтингида роппа-роса 500, Раисма эса 1476-ўринни эгаллаб турибди. Бугун Султонов 1/4 финалда германиялик Никлас Шеллга қарши кортга чиқади. Олмон теннисчиси рейтингнинг 785-поғонасидан жой олган.