Ҳумоюн Султонов Иданья-а-Новада бош соврин учун кортга чиқади

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Ҳумоюн Султонов ҳам муваффақиятли одимлаяпти. Мамлакатимизнинг биринчи ракеткаси ҳозиргина якунига етган 1/2 финал учрашувида ғалаба қозониб, бош соврин учун курашиш ҳуқуқини қўлга киритди. 

Турнирда биринчи рақам остида таснифланган Султонов 2 соату 7 дақиқа давом этган 1/2 финал баҳсида мусобақанинг тўртинчи ракеткаси, франциялик Дэн Эддедни 6/4, 7/6(2) ҳисобида мағлубиятга учратди. Бу теннисчиларнинг ўзаро ўтказган илк учрашуви бўлди. 

Таққослаш учун, Султонов ATP рейтингида 284, Эддед эса 443-ўринни эгаллаб турибди. Эртага Ҳумоюн Португалия турнири чемпионлиги учун литвалик Эдас Бутвиласга қарши кортга чиқади. Турнирда учинчи рақам остида ҳаракат қилаётган Эдас 1/2 финалда АҚШ вакили Карл Полингдан 7/5, 6/3 ҳисобида устун келди. Финал учрашуви эртага бизнинг вақт билан соат 14:00да бошланади.