23 авг 07:22
Янгиликлар

Теннис

Ҳумоюн Султонов Иданья-а-Новада турнири 1/4 финалига йўл олди

Португалиянинг Каштела-Бранка округи Иданья-а-Нова туманида теннис бўйича M25 тоифасига кирувчи турнир давом этмоқда.

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Ҳумоюн Султонов ҳам ўз имкониятини синовдан ўтказяпти. Мамлакатимизнинг биринчи ракеткаси ўтган ҳафта айнан турнирда чемпион бўлган эди.

Кеча Султонов 82 дақиқа давом этган 1/8 финал баҳсида португалиялик Даниэль Батистани ортиқча қийинчиликсиз мағлубиятга учратди - 6/1, 6/2. Бу теннисчиларнинг ўзаро ўтказган илк учрашуви эди.

ATP рейтингида 285-ўринни эгаллаб турган Ҳумоюн Султонов бугун 1/4 финалда яна бир мезбонлар вакили Фредерико Сильвага қарши кортга чиқади. Ҳамюртимиз турнирда иккинчи рақам остида таснифланган. Португалиялик теннисчи рейтингнинг 480-поғонасидан жой олган. Султонов иштирокидаги баҳс бизнинг вақт билан соат 13:30да бошланади.