08 апр 09:39
Янгиликлар

Теннис

Ҳумоюн Султонов Монца "Челленжер" турнирини ғалаба билан бошлади

Италиянинг Монца шаҳрида теннис бўйича ATP 100 тоифасига кирувчи "Челленжер" турнирининг асосий тўр баҳслари старт олди.

Мукофот жамғармаси 145 250 еврони ташкил этувчи мусобақада ҳамюртимиз Ҳумоюн Султонов захира ўйинчиси сифатида баҳсларга киришди. Мамлакатимизнинг биринчи ракеткаси илк даврада рейтингда ўзидан юқорида турган словакиялик 27 ёшли Лукас Клейнни 6/1, 6/3 ҳисобида мағлубиятга учратди.

Таққослаш учун, Султонов ATP рейтингида 229, Клейн эса 181-поғонадан жой олган. Бу теннисчиларнинг ўзаро ўтказган илк учрашуви бўлди. Етмиш икки дақиқа давом этган баҳсда иккала теннисчи ҳам биттадан эйс зарбасини амалга оширган. Ҳумоюн 4, Лукас 6 та қўшхатога йўл қўйди.