16 фев 11:20
Янгиликлар

Теннис

Ҳумоюн Султонов Пунадаги "Челленжер" турнирида иштирок этади

Мамлакатимизнинг биринчи ракеткаси эртага асосий тўр баҳслари старт оладиган ATP 100 тоифасига кирувчи турнирда ўз омадини синаб кўради.

Ҳиндистоннинг Пуна шаҳрида ўтказилаётган ушбу "Челленжер" туркумига кирувчи мусобақанинг мукофот жамғармаси 160 000 АҚШ долларини ташкил қилади. Ҳамюртимиз илк даврада турнирнинг учинчи ракеткаси австралиялик Тристан Скулкейтга қарши кортга чиқадиган бўлди.

Таққослаш учун, Ҳумоюн Султонов айни пайтда ATP рейтингида 233, Тристан Скулкейт эса 140-поғонадан жой олган. Ушбу баҳс эртага бизнинг вақт билан соат 9:30да бошланади.