Ҳумоюн Султонов рейтингда ўзидан қарийб 400 поғона қуйидаги теннисчи олдида ожиз қолди

Мусобақада иштирок этаётган ўзбекистонлик Ҳумоюн Султонов ўз юришини нимчорак финал босқичидаёқ тўхтатди.

Бугун мамлакатимизнинг биринчи ракеткаси австралиялик Чейс Фергюсонга қарши баҳс олиб борди. Бироз аввал якунига етган ва 2 соату 31 дақиқа давом этган учрашувда теннисчимиз рақибига 4/6, 6/4, 4/6 ҳисобида имкониятни бой бериб қўйди.

Қизиғи, Ҳумоюн мусобақада иккинчи рақам остида таснифланган эди. Султонов ҳал қилувчи учинчи сетнинг 10-геймида 4/5 ҳисобида ютқазагаётган, камида рақибининг геймида ҳам 0/40 кўринишида бой бераётганди. Вакилимиз ирода кўрсатиб, 40/40 кўринишига олиб келди, аммо мўъжиза рўй бермади.  

Таққослаш учун, Султонов айни дамда ATP рейтингида 382, Фергюсон эса 864-ўринни эгаллаб турибди.