22 апр 07:57
Янгиликлар
Теннис
Ҳумоюн Султонов Рим "Челленжер"ида иштирок этади
Кеча Италиянинг Рим шаҳрида теннис бўйича "Челленжер" туркумидаги ATP турнири старт олди.
Аҳамиятлиси, мукофот жамғармаси 54 минг АҚШ долларини ташкил этувчи мазкур нуфузли мусобақада Ўзбекистоннинг биринчи рақамли ракетка устаси Ҳумоюн Султонов ҳам иштирок этади.
Қумли кортда ўтказиладиган турнирнинг илк босқичида Султоновга литвалик Вилиус Гаубас рақиблик қилади.
Ўйин Тошкент вақти бугун 16:00 да бошланиши режалаштирилган.
Маълумот учун, 26 ёшли Ҳумоюн Султонов ATP рейтингида айни дамда 224-ўринни эгаллаб турган бўлса, 20 яшар Гаубас 149-ўринда қайд этилган.
Ҳавола :
Манба : olamsport.com
Фикрлар