Ҳумоюн Султонов Шарм Эл-Шейхда 1/4 финалга чиқди

Ҳамюртимиз Ҳумоюн Султонов ушбу турнирнинг биринчи рақамли теннисчиси сифатида ҳаракат қиляпти. Бироз аввал мамлакатимизнинг биринчи ракеткаси 1/8 финал учрашувини ўтказди. 

Швециялик Лео Боргга қарши кортга чиққан Султонов 72 дақиқа давом этган баҳсда ортиқча қийинчиликсиз зафар қучди - 6/2, 6/3. Бу теннисчиларнинг ўзаро ўтказган илк учрашуви эди. Энди Ҳумоюн 1/2 финал чиптаси учун италиялик Александр Биндага қарши кортга чиқади. Бинда бугун 1/8 финалда турнирнинг 6-ракеткаси украиналик Юрий Жавакаяндан 6/4, 6/1 ҳисобида устун келди.  

Таққослаш учун, Султонов ATP рейтингида 232, у биринчи даврада қийинчилик билан таслим этган сербиялик Стефан Латинович 1067, Лео Борг 586, Александр Бинда эса 741-поғонадан жой олган.