Ҳумоюн Султонов ва яна 2 нафар теннисчимиз Туркиядаги турнирда

Ушбу мусобақада ўзбекистонлик 3 нафар теннисчи ҳам иштирок этмоқда.

ATP рейтингида 330-ўринни эгаллаб турган теннисчимиз  Ҳумоюн Султонов мусобақада 1-рақам остида сараланган. Унинг асосий тўрдаги рақиби саралашдан сўнг маълум бўлади.

Турнирнинг саралаш баҳсида ҳамюртимиз Марк Трякшин украиналик Георги Кравченкога қарши кортга чиқди. Афсуски, Трякшин рақибига 6/3, 6/1 ҳисобида мағлуб бўлиб, ўз юришини тўхтатди.

Яна бир юртдошимиз Сергей Фомин 1-саралаш босқичида Молдова вакили Иля Снитари устидан 6/7,6/1, 10/8 ҳисобида ғалаба қозонди. Асосий тўрга йўлланма берувчи кейинги босқичда Фомин германиялик Паул Ворнер билан баҳслашади.