Ҳумоюн Султоновнинг Куршумлия-Банядаги учрашуви якунига етмай қолди

Мукофот жамғармаси 15 000 долларни ташкил этувчи ушбу мусобақада ҳамюртимиз Ҳумоюн Султонов ҳам иштирок этяпти. Турнирда биринчи рақам остида таснифланган теннисчимиз илк даврада деярли қийинчиликка дуч кемади. Унинг британиялик рақиби Али Ҳабиб иккинчи сетнинг олтинчи геймидан кейин баҳсни давом эттира олмаслигини маълум қилди. Бу пайтга келиб Султонов 6/2, 4/2 ҳисобида ғалаба қозонаётганди. 

Таққослаш учун, мамлакатимизнинг биринчи ракеткаси айни пайтда дунё рейтингида 328-ўринни эгаллаб турибди. Ҳабиб эса ATP рейтигида 1001-поғонадан жой олган. Энди Ҳумоюн 1/8 финалда япониялик Ҳаято Мацуокога қарши кортга чиқади. Кунчиқар юрт вакили рейтингнинг 979-поғонасини банд этган.