20 мар 18:35
Янгиликлар

Бокс/ММА

"Ҳурмат қилардим, агар маст бўлмаганида". Сауль Альварес Майк Тайсонга кескин жавоб қайтарди

Иккинчи ўрта вазн (76,2 кг) тоифасида мутлақ жаҳон чемпиони Сауль Альварес бокс афсонаси Майк Тайсоннинг танқидига муносабат билдирди.

Мексикалик жаҳон чемпионининг жавоби анча кескин чиқди. Аввалроқ, Тайсон Сауль Канелони собиқ WBC чемпиони Дэвид Бенавидесга қарши жангдан қочишда айблаганди: "Канело ютқазиб қўйишдан шунчалик ҳам қўрқадими? Бу бокс ҳамда Мексика учун шармандалик".

"Мен унинг фикрларини ҳурмат қилардим, агар у маст ҳолатда бўлмаганида", — деди Альварес.

Эслатиб ўтамиз, Сауль Альварес сўнгги жангини ўтган йилнинг кузида Жермелл Чарлога қарши ўтказиб, рақибини очколар ҳисобига кўра мағлубиятга учратган эди.