IBA Жаҳон чемпионати. Бугун Ҳасанбой Дўсматов ва яна уч боксчимиз рингга чиқади

Бугун мусобақанинг бешинчи куни доирасида 4 нафар боксчимиз чорак финал чиптаси учун жанг ўтказади. Икки карра Олимпиада чемпиони Ҳасанбой Дўсматов жаҳон чемпионатидаги юришини бошлайди. -51 кг вазндаги тажрибали чарм қўлқоп устамиз 1/8 финалда Европа чемпиони туркиялик Самет Гюмюшга қарши рингга чиқади. Ушбу жанг бизнинг вақт билан тахминан соат 22:00`да старт олади. 

Яна бир қизиқарли жанг -86 кг вазн тоифасида ўтказилади. Унда ўзбек-қозоқ бокси қарама-қаршилигига гувоҳ бўламиз. Ҳамюртимиз Акмалжон Исроилов қозоғистонлик Даулет Тулемиссовга қарши рингга кўтарилади. Ушбу жанг А рингида соат 20:15`да бошланади. 

Эслатиб ўтамиз, кечаги жанглардан сўнг 7 нафар чарм қўлқоп устамиз 1/4 финал масаласини ижобий ҳал қилганди. Бугунги кундузги дастур жанглари бизнинг вақт билан соат 18:00, кечки блок эса 22:00`да старт олади.

Жуфтликлар билан танишинг:

-54 кг: Асилбек Жалилов - Амаду Моҳаммед (Гана) А ринг. 18:30

-86 кг: Акмалжон Исроилов - Даулет Тулемиссов (Қозоғистон) А ринг. 20:15

-51 кг: Ҳасанбой Дўсматов - Самет Гюмюш (Туркия) А ринг. 22:00

-57 кг: Хўжаназар Нортожиев - Сачин (Ҳиндистон) Б ринг. 23:15